Rusiyanın xarici işlər naziri Sergey Lavrov İranın xarici işlər naziri vəzifəsini icra edən Əli Bagiri Kani ilə telefon danışığında Qəzzada və bütövlükdə Yaxın Şərqdə vəziyyətə təsir göstərə bilən bütün tərəfləri sabitliyin pozulmasına gətirib çıxara biləcək hərəkətlərin qarşısını almağa çağırıb.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

"Lavrov istisnasız olaraq Qəzzada və bütövlükdə Yaxın Şərqdə vəziyyətə təsir edən bütün tərəfləri sabitliyin pozulmasına gətirib çıxaracaq və mülki əhali arasında yeni itkilərə səbəb ola biləcək hərəkətlərin qarşısını almağa çağırıb", - məlumatda deyilir.