Biz xalqımızın həyatını qorumalı və Ukraynanın şərtləri ilə müharibəyə son qoymalıyıq. Rusiyanın bombalarına dəqiq cavab verən, logistikasını və bazalarını məhv edən, işğalçının torpaqlarımızda qalmasını çətinləşdirən hər belə zərbə müharibənin ədalətli sonunu yaxınlaşdırır.

Axar.az xəbər verir ki, bunu Ukrayna Prezidenti Vladimir Zelenski bu gün Krımda Rusiya mövqelərinə zərbə endirilməsini şərh edərkən deyib.

Zelenski vurğulayıb ki, Ukrayna Silahlı Qüvvələri Rusiya ərazisinə, xüsusən də işğalçıların Ukraynaya raket, mina və bomba atdığı yerlərə uzaq məsafədən zərbələr endirmək üçün Qərbdən icazə almalıdır:

"Bizə bu həll lazımdır ki, təsirli olan bütün silahlarla hərəkət edə bilək".