Gürcüstan üçün bir nömrəli təhlükə hələ də Rusiyadır.

Axar.az xəbər verir ki, bunu Gürcüstan mətbuatına açıqlamasında Gürcüstanın Dövlət Təhlükəsizlik Xidmətinin sədr müavini Levan İzoriya söyləyib. O, əsas təhlükələr sırasında Gürcüstanın işğal olunmuş ərazilərində fəaliyyət göstərən separatçıların da olduğunu bildirib.

Qeyd edək ki, bu gün Gürcüstan Dövlət Təhlükəsizlik Xidmətinin rəhbəri Vaxtanq Qomelauri parlament qarşısında hesabatla çıxış edəcək. Onun hesabatı artıq indidən Gürcüstanın müxalif deputatlarının kəskin tənqidinə səbəb olub.