Donetsk vilayətində Ukrayna Silahlı Qüvvələri bir qədər geri çəkilə bilər, lakin bu, ən pis halda baş verəcək.

Axar.az xəbər verir ki, bunu Rusiya-Ukrayna müharibəsinin veteranı, ehtiyatda olan mayor Aleksey Getman bildirib.

O vurğulayıb ki, hazırda düşmən cəbhənin bu hissəsinə (Pokrovski, Toretski və Çasov Yar - red.) güclü təzyiq göstərir.

Getman qeyd edib ki, hələlik Pokrovski, Toretski və Çasov Yar istiqamətlərindən əldə edilən hərbi məlumatlara görə, Rusiyanın hücumunun intensivliyində azalma görünmür:

"Ancaq həm Milli Qvardiyanın komandirinin, həm də NATO ölkələrinin generallarının dediyi kimi, bütün əlamətlərə görə, haradasa avqustun sonu - sentyabrın əvvəlində rusların belə güclü, sıx hücum hərəkətləri etmək imkanları tükənəcək. Buna görə də biz müqavimət göstərməliyik”.