Ukrayna Silahlı Qüvvələri Kursk vilayətində sərhədi yarıb.

Axar.az xəbər verir ki, bu barədə məlumatı Rusiya MN yayıb.

Bildirilib ki, hazırda ərazidə gərgin döyüşlər gedir.

Rusiya MN yarılmanın səhər saatlarında olduğunu bildirib. Belə ki, Ukraynanın 22-ci mexalikləşdirilmiş briqadasının 300-ə qədər canlı qüvvəsi 11 tank və 20 zirehli texnikanın dəstəyi ilə Nikolayevo-Darya və Oleşnya yaşayış məntəqələri ərazisində Rusiya ordusunun mövqelərinə hücum edib.

“Rus ordusu dövlət sərhədi və Sum vilayətində hərbi hissələrə hücumları dəf edir və Ukrayna qüvvələrinə zərbələr endirir. Hücum təyyarələri Sum vilayətinin Basovka, Juravka, Xoten, Yunakovka, Belovodı, Xrapovşina yaşayış məntəqələrində Ukrayna Silahlı Qüvvələrinin canlı qüvvəsi və texnikasına zərbə vurub. Düşmənin zirehli texnikasına qarşı aviasiya effektiv şəkildə istifadə olunur. Kursk istiqamətində Rusiyanın ehtiyat qoşun qruplaşması artıq toqquşma zonasına daxil olub”, - deyə Rusiya Müdafiə Nazirliyi qeyd edib.

Ukrayna mediası isə hücum edənlərin Rusiya Azadlıq Legionu olduğunu, legionun təkcə Suca deyil, həm də Kursk vilayətinin Kurilovka kəndi yaxınlığında döyüşlər apardığı haqda Teleqram kanalında məlumat yaydığını bildirib.