Ukrayna Silahlı Qüvvələrinin Rusiyanın Kursk vilayətində irəliləməsi dayandırılıb.

Axar.az xəbər verir ki, bu barədə Rusiya ordusunun Baş Qərargah rəisi Valeri Gerasimov Prezident Vladimir Putinin Kursk vilayətində vəziyyətlə bağlı güc strukturlarının rəhbərlərinin iştirakı ilə keçirdiyi müşavirədə məlumat verib.

"Rusiya Müdafiə Nazirliyinin məlumatına görə, Ukrayna hərbçilərinin itkiləri 315 nəfər təşkil edib (ən azı 100 nəfər ölüb, 215 nəfər yaralanıb). 54 zirehli texnika, o cümlədən 7 tank məhv edilib. Əməliyyat düşməni məğlub etməklə və dövlət sərhədinə çatmaqla başa çatacaq”, - Gerasimov qeyd edib.

Qeyd edək ki, Ukrayna ordusu ötən gün Kurska hücum edib və 3 kəndi nəzarətə alaraq, irəliləməyə başlayıb. Bölgədə şiddətli döyüşlər gedir.