Şimali Koreya Yapon dənizi istiqamətində növbəti ballistik raketin sınağını həyata keçirib.

Axar.az Ryonxap-a istinadən xəbər verir ki, bu haqda məlumatı KXDR hərbçilərindən biri yayıb:

"Şimali Koreya Hamqyonq əyalətində saat təxminən 13.00 radələrində ballistik raket buraxılışı həyata keçirib".

Xatırladaq ki, Koreya Xalq Demokratik Respublikası hidrogen bombasının uğurla sınaqdan keçirdiyini bəyan etdikdən sonra bir sıra dövlətlər rəsmi Pxenyanın bu addımını pisləyib.

Mart ayının 18-də Şimali Koreya orta mənzilli "Nordon" raketinin sınağını keçirib.

Bundan sonra ABŞ KXDR-ə qarşı sanksiyalar tətbiq etməyə başlayıb.