Türkiyəyə məxsus yük gəmisi inşası davam edən Kerç körpüsünün qadağan olunmuş ərazisinə girib və təhlükəli vəziyyət yaradıb.

Axar.az xəbər verir ki, bu barədə Rusiyanın Federal Dəniz və Çay Nəqliyyatı Agentliyi məlumat yayıb.

Agentliyin məlumatına görə, saxlanılan gəmi Sent-Kits və Nevis bayrağı adı altında üzür və hazırda Türkiyənin İş-Bir Dənizçilik və Ticarət şirkətinə məxsusdur.

Göyərtəsində 11 nəfərin olduğu gəminin kapitanı isə Rusiya vətəndaşıdır. Onun barəsində pozuntuya yol verdiyi üçün protokol tərtib olunacaq.

Qeyd edək ki, martın 19-da Türkiyəyə məxsus "Lira" adlı gəmi Kerç boğazında tikintisi davam edən körpünün dirəyinə çırpıldığı üçün Rusiya tərəfindən saxlanılmışdı.