Vaşinqtonun Kiyevə verdiyi maliyyə yardımı vədi Prezident Pyotr Poroşenkoya dəstək, Baş nazir Arseni Yaçenyuk üçün isə istefaya çağırışdır.

Axar.az xəbər verir ki, bu açıqlama ilə Müstəqil Dövlətlər Birliyi İnstitutunun direktor müavini Vladimir Jarixin çıxış edib.

Ukrayna Analitik Mərkəzinin prezidenti Aleksandr Oxrimenkonun fikrincə isə ABŞ-ın bu vədini Ukraynaya dəstək siyasəti kimi şərh etmək olmaz. Vaşinqton Ukraynanı özündən uzaqlaşdırmaq istəyir.

Analitikin fikrincə, ABŞ bu vədini yerinə yetirməyəcək.

Xatırladaq ki, ABŞ lideri yeni hökumətin formalaşmasından sonra Kiyevə bir milyard dollar maliyyə dəstəyi ayırmağa hazır olduğunu bildirib.

Daha öncə isə ABŞ-ın vitse-prezidenti Co Bayden Ukraynada təhlükəsizliyin təmin olunmasına yardım məqsədilə 335 milyon dollar ayrılacağını açıqlamışdı.