Türkiyə rəsmiləri narkotik maddələrin satışı, fahişəliyin təbliği, qumar oyunları və uşaq pornoqrafiyası videolarının yayılması ilə əlaqədar Teleqrama mesencer xidmətinin bloklanması ehtimalı barədə xəbərdarlıq edib.

Axar.az xəbər verir ki, bu barədə "Takvim" qəzeti hüquq-mühafizə orqanlarındakı mənbələrə istinadən məlumat yayıb.

Bildirilib ki, Türkiyə Texnologiya və Rabitə Şurası Teleqramın baş ofisinə qanunsuz fəaliyyət üçün istifadə edilən kanalların bağlanması tələbi ilə mindən çox xəbərdarlıq göndərib, lakin hələ də cavab almayıb.

Qeyd edilir ki, Türkiyədə 8 milyona yaxın Teleqram istifadəçisi var və bu saya görə dünyada 10-cu yerdədir.