Əgər İran və digər böyük neft istehsalçısı olan ölkələr neft hasilatını dondurmaqdan imtina etsələr, Səudiyyə Ərəbistanı eyni yolu seçəcək.

Axar.az xəbər verir ki, bunu "Blomberq" agentliyinə müsahibəsində Səudiyyə Ərəbistanının Müdafiə naziri Məhəmməd bin Salman söyləyib.

Qeyd edək ki, fevral ayında Rusiya, Səudiyyə Ərəbistanı, Venesuela, Qətər neft qiymətlərinin artımı üçün hasilatın dondurulması barədə razılıq əldə ediblər. Azərbaycan da sonradan bu razılaşmaya qoşulub.

Aprelin 17-də neft hasilatının dondurulması ilə bağlı Dohada neft istehsal edən ölkələrin növbəti iclası keçiriləcək. Bu iclasda Səudiyyə Ərəbistanı, Rusiya, Küveyt, Birləşmiş Ərəb Əmirlikləri, Venesuela, Nigeriya, Əlcəzair, İndoneziya, Ekvador, Bəhreyn, Oman iştirak edəcəklər.