Yeni Dünya Sərvəti qurumunun hesablamalarına görə, 2015-ci ildə milyonçuların əksəriyyəti Avropa şəhərlərini tərk edib.

Axar.az xəbər verir ki, sərvətləri milyon dollardan çox olan şəxslər terror hadisələri, Suriyadan qaçqınların gəlməsi və iqtisadi böhrana görə Avropanın Paris, Roma, Afina kimi şəhərlərini tərk etməyə başlayıb.

Fransadan 10, Çindən 9, İtaliyadan 6, Hindistandan 4, Yunanıstandan 3, Rusiya, İspaniya və Braziliyadan 2 min milyonçu başqa ölkələrə köçüb.

Parisdən köçən milyonçular ən çox İngiltərə, ABŞ, Kanada və İsrailə yerləşməyi seçib. Milyonçuların Afinadan ayrılmasının səbəbi isə iqtisadi böhran və qaçqınların köçüdür.

Ötən il Avstraliyaya 8 min, ABŞ-a 7 min, Kanadaya 5 min, BƏƏ-yə 3 min, Yeni Zelandiyaya 2 min milyonçu gəlib.

Milyonçuların yerləşdiyi şəhərlər arasında Avstraliyanın Sidney şəhəri birinci pillədə durur.