Salah Abdeslam 2015-ci il noyabr ayında baş verən Paris teraktında kamikadze kəmərini özü qəsdən partlatmayıb.

Axar.az Röyter-ə istinadən xəbər verir ki, bu sözləri İŞİD üzvü Abdeslamın qardaşı deyib.

Belçikada həbsdə olan qardaşını ziyarət edən gənc Abdeslamın Paris terrorunun təşkilində heç bir iştirakı olmadığını və terror günü öz kamikadze kəmərini partlatmaq fikrindən daşındığını açıqlayıb:

"Abdeslam Fransaya ekstradisiya olunmaq istəyir. O deyir ki, əgər kamikadze kəmərini partlatsaydım, Paris daha çox qurban verərdi, lakin bunu etmək istəmədim".

Xatırladaq ki, Salah Abdeslam Paris terror aktlarında iştirak edən İŞİD-çilərdən yeganə sağ qalanıdır.

O, Belçika Prokurorluğunun qərarı ilə 10 gün ərzində Fransaya ekstradisiya olunacaq.