Türkiyə Prezidenti Rəcəb Tayyib Ərdoğan ABŞ-ın Merilənd ştatında ölkənin ən böyük məscidinin açılışını edib.

Axar.az xəbər verir ki, açılış zamanı çıxış edən Ərdoğan məscidin həm də mədəniyyət mərkəzi rolunu oynayacağını bildirib.

"Oğlumun təhsil aldığı illərdə bu əraziyə baş çəkmişdim. İndi bu ərazi bir mədəniyyət mərkəzinə çevrildi. Ey Rəbbim, sənə nə qədər həmd etsək də, azdır. 3 il əvvəl buranın bünövrəsini qoyduq. Əməyi keçən hər kəsə təşəkkür edirəm. Osmanlının memarlıq ənənəsinə uyğun inşa edilən bu məscid 750 nəfəri eyni anda qəbul etmək imkanına malikdir. Dünyada və ABŞ-da müsəlmanlara qarşı irqçi çıxışların artdığı bir vaxtda bu mədəniyyət mərkəzinin açılışı böyük önəm daşıyacaq", - Ərdoğan vurğulayıb.