Bütün dünya bilməlidir ki, Türkiyə can Azərbaycanla qiyamətə qədər çiyin-çiyinə duracaq.

Axar.az xəbər verir ki, bu barədə Türkiyə Baş naziri Əhməd Davudoğlu partiyasının iclasında deyib.

"Ermənistanın hücumları nəticəsində şəhid olan azərbaycanlı qardaşlarımıza Allahdan rəhmət və bütün Azərbaycan xalqına başsağlığı verirəm. Bütün dünya bilməlidir ki, Türkiyə can Azərbaycanla qiyamətə qədər çiyin-çiyinə duracaq. Azərbaycanın itirdiyi hər şəhid bizimdir. Dağlıq Qarabağ da daxil, Azərbaycanın bütün torpaqları azad edilənə qədər qardaşlarımızın yanında olacağıq. İnşallah, gün gələcək, Azərbaycan öz ərazi bütövlüyünü bərpa edəcək", - Davudoğlu bildirib.