Qazaxıstan OPEK və təşkilata üzv olmayan neft istehsalçılarının görüşünə dəvət alıb.

Axar.az xəbər verir ki, bu barədə "RİA Novosti" agentliyinə Qazaxıstan Energetika Nazirliyindən məlumat verilib.

"Rəsmi dəvət bir neçə gün öncə edilib. Lakin hələlik iclasa qatılıb-qatılmamaq barədə qərar verməmişik", - nazirlikdən bildirilib.

Bir müddət öncə Qazaxıstanın Energetika naziri Vladimir Şkolnik dəvət gələcəyi təqdirdə iclasa qatılacaqlarını açıqlayıb.

Qeyd edək ki, neft istehsalçılarının görüşü aprelin 17-də Qətərin paytaxtı Dohada baş tutacaq. Görüş zamanı hazırda bazarda davam edən mənfi tendensiyalar və neft qiymətlərinin bahalaşdırılması yolları müzakirə olunacaq.