ABŞ prezidentliyinə namizəd Donald Tramp Rusiya Prezidenti Vladimir Putinin ABŞ-ın hazırki vitse-prezidenti Kamala Harrisi dəstəkləməsi ilə bağlı ironik şərhindən incidiyini bildirib.

Axar.az xəbər verir ki, bu barədə TASS məlumat yayıb.

"Mən Putini yaxşı tanıyırdım. O, bu yaxınlarda Harrisi dəstəklədi. Çox incidim. Görəsən, o, Harrisə niyə dəstək verdi? Rusiya liderinin bəyanatı çox güman ki, təbəssümlə edilib”, - Tramp bildirib.

Qeyd edək ki, Putin daha əvvəl istehza ilə demişdi ki, Moskva hazırki dövlət başçısı Co Baydenin prezidentlik yarışından çəkilməsindən sonra demokratlardan ən yüksək hökumət postuna namizəd olan Harrisi dəstəkləyir.