Türkiyənin Mardin vilayətinin Nusaybin mahalında PKK terrorçularının quraşdırdığı bombanın partlaması nəticəsində 2 polis şəhid olub.

Axar.az xəbər verir ki, ölən polislər Saleh Tac və Ərkan Başpəhləvan uzun illər Türkiyənin 11-ci prezidenti Abdullah Gülün şəxsi mühafizə qrupunda çalışıb.

Qeyd edək ki, Abdullah Gül də Tvitterdə şəhid polislərə başsağlığı mesajı verib:

"Şəhid olan övladlarımız Ərkan və Saleh uzun illər mühafizə qrupumda çalışıblar. Bu iki qəhrəman polisə və digər şəhid əsgərlərə Allahdan rəhmət diləyirik. Millətimizin başı sağ olsun".