Rusiya ərazisinin dərinliklərinə Qərb silahları ilə zərbələrə qoyulan məhdudiyyətlərin aradan qaldırılması ilə bağlı ritorika dünyanı Ukraynadakı münaqişənin sona çatmasına yaxınlaşdırmır.

Axar.az xəbər verir ki, bunu mətbuat konfransında BMT Baş katibinin rəsmi nümayəndəsi Stefan Düjarrik deyib.

"Eşitdiyimiz ritorika, gördüklərimiz bir daha sübut edir ki, biz bu münaqişəni istədiyimiz kimi beynəlxalq hüquq və nizamnamə çərçivəsində sona çatdırmaq yolu ilə getmirik. Şübhəsiz, hesab edirəm ki, Ukrayna baş katibin müxtəlif ikitərəfli görüşlərinin gündəliyinin əsas bəndlərindən biri olacaq", - Düjarrik qeyd edib.