17:04

İsrail ordusu Livanın paytaxtı Beyruta raket zərbələri endirib.

Axar.az xəbər verir ki, bu barədə İsrail ordusundan məlumat verilib.

“İsrail müdafiə ordusu Beyruta yüksək dəqiqlikli raketlərlə zərbələr endirib”, - məlumatda qeyd olunub.

Məlumata görə, zərbələr nəticəsində Hizbullahın xüsusi əməliyyatlarına rəhbərlik edən İbrahim Aqil adlı lideri öldürülüb.

İsrail mətbuatının məlumatına görə, İbrahim Aqil Hizbullahın 3-cü şəxsi hesab olunurdu.

ABŞ hökuməti onun başına 7 milyon dollar mükafat təyin etmişdi.

***

İsrailin Beyrutun cənubuna endirdiyi zərbələr nəticəsində 3 nəfər ölüb, 17 nəfər yaralanıb.

Bu barədə Livanın Səhiyyə Nazirliyi məlumat yayıb.

***

Həlak olanların sayı 8-ə, yaralıların sayı isə 59-a çatıb.

***

Ölənlərin sayı 12-yə, yaralıların sayı isə 66-ya çatıb.

Bu barədə Livanın Səhiyyə Nazirliyinin məlumatında deyilir.