Cənubi Osetiyanın Rusiyanın tərkibinə girmək üçün keçirəcəyi referendumun heç bir hüquqi əsası yoxdur.

Axar.az xəbər verir ki, bunu jurnalistlərə açıqlamasında Gürcüstanın Avropa və Avroatlantik İnteqrasiya məsələləri üzrə dövlət naziri David Bakradze söyləyib. Onun sözlərinə görə, bu, bütün hüquqi normaların pozulması deməkdir.

Qeyd edək ki, bir müddət öncə mətbuata açıqlamasında qondarma Cənubi Osetiya rejiminin rəhbəri Leonid Tibilov avqust ayında bölgənin Rusiyanın tərkibinə girməsi üçün referendum keçiriləcəyini bildirib. Tiflis bundan öncə dəfələrlə öz torpaqlarının anneksiya olunmasına imkan verməyəcəyini bəyan edib.