ABŞ xüsusi xidmət orqanları hesab edir ki, Rusiyaya zərbə endirmək üçün uzaqmənzilli raketlərdən istifadəyə icazə verilməsi hərbi əməliyyatların gedişatını dəyişdirməyəcək, əksinə, güclü cavab zərbəsi yaradacaq.

Axar.az xəbər verir ki, bu barədə “Nyu York Tayms” nəşri məlumat yayıb.

“Kəşfiyyat hesab edir ki, uzaqmənzilli raketlərin təsiri az olacaq, çünki Ukraynada bu raketlərin sayı azdır. Üstəlik müttəfiqlərin Kiyevə nə qədər belə raket verəcəyi barədə də məlumat yoxdur. İcazənin verilməsi müharibənin gedişatını dəyişməyəcək. Əvəzində isə cavab tədbirləri çərçivəsində Rusiya ABŞ bazalarına birbaşa zərbələr endirə bilər”, - məlumatda qeyd olunub.