Donald Tramp Ukrayna Prezidenti Vladimir Zelenskinin onunla görüşməsini xahiş etdiyi məktubu yayıb.

Axar.az xəbər verir ki, Tramp məktubu özünün “Truth Social” soaial şəbəsində yayımlayıb.

“Hörmətli Donald, ümid edirəm ki, yaxşısan. Cümə günü Nyu Yorkda ola bilərəm və görüşmək üçün yaxşı vaxt olardı. Mən çox istərdim ki, bizim görüşümüz münaqişənin ədalətli həllinə yönəlmiş səylərimizin bir hissəsi kimi baş tutsun. Bir-birimizi başa düşməyə və sıx əlaqə saxlamağa çalışmalıyıq”, - məktubda qeyd olunub.

Məktubun sonunda Ukrayna prezidenti “Hörmətlə, Vladimir” yazıb.

Zelenski sonuncu dəfə Trampla telefon danışığının həqiqətən də xoş olduğunu da qeyd edib.

Xatırladaq ki, BMT Baş Assambleyasının sessiyasında iştirak etmək üçün Nyu Yorkda səfərdə olan Ukrayna Prezidenti Vladimir Zelenski Respublikaçılar Partiyasından prezidentliyə namizəd Donald Trampla görüşmək istəsə də, ikinci bundan imtina edib.