ABŞ məhkəməsinin münsiflər heyəti bir neçə iranlını ABŞ prezidentliyinə Respublikaçılar Partiyasından namizəd olan Donald Trampın seçki kampaniyasına müdaxiə etməkdə ittiham edib.

Axar.az xəbər verir ki, bu barədə “Politiko” nəşri məlumat yayıb.

Nəşr Trampın seçki kampaniyasına haker hücumun Kamala Harrisin prezidentliyə namizədliyindən əvvəl baş verdiyini yazıb. Əldə olunan məlumatlar jurnalistlərə və Co Baydenin seçki qərargahına göndərilib.

Məlumata görə, təqsirləndirilən şəxslərin adları və ittihamları hələlik açıqlanmayıb. Ancaq böyük münsiflər heyəti sentyabrın 26-da federal prokurorlar tərəfindən irəli sürülən ittiham aktını yekdilliklə təsdiqləyib.

ABŞ Ədliyyə Nazirliyinin bu ittihamları sentyabrın 27-də açıqlayacağı gözlənilir.