Geostrateji mövqe tutan, Şərqlə Qərb arasında körpü rolunu oynayan, mədəni keçmişi və gələcək perspektivləri olan Türkiyə qlobal sistemdə təsirli rol oynayan bir aktor olmaq prosesinə qədəm qoyub.

Axar.az xəıbər verir ki, bunu Türkiyə parlamentinin spikeri Numan Qurtulmuş TASS-a müsahibəsində deyib.

“Bu səbəbdən biz BRİKS-i gələcək çoxqütblü dünya sisteminin mühüm formalaşmalarından biri hesab edirik. Türkiyənin bu quruma daxil olması onu məhdudlaşdırmayacaq, əksinə, xarici siyasət imkanlarını genişləndirəcək. Türkiyənin BRİKS-də olması əslində dünyada sülhə çox daha ciddi töhfə verəcək. Axı Türkiyə beynəlxalq əməkdaşlığın bir çox formatında eyni vaxtda iştirak edir. Türkiyə Qara Dəniz İqtisadi Əməkdaşlıq Təşkilatının, İslam Əməkdaşlıq Təşkilatının, Türk Dövlətləri Təşkilatının, Avro-Aralıq dənizi Tərəfdaşlığının və NATO-nun üzvü olan bir ölkədir”, - Qurtulmuş bildirib.