Rusiya Baş nazirinin müavini Dmitri Roqozinin "Exo Moskvı" radiosuna Bakıya silah satışı və İrəvanın buna reaksiyası ilə bağlı müsahibəsi erməni mətbuatında əsl isteriya yaradıb, hətta onun Ermənistanda "arzuolunmaz şəxs" elan olunması təklif olunub.

Axar.az xəbər verir ki, bu barədə Ermənistanın 1in.am saytı "Yanlış ifadə: Roqozin Ermənistanda "persona non qrata" elan olunmalıdır" başlıqlı yazı da dərc edib.

Yazıda qeyd olunub ki, Rusiya Baş nazinin müavini Dmitri Roqozin dünən "Exo Moskvı" radiosuna müsahibəsində Rusiyanın Azərbaycana silah satışı və Ermənistanın da bunun bağlı narazılığından danışarkən yanlış ifadələr işlədib.

Sayt Roqozinin bu açıqlamasına daha çox diqqət çəkib:

"Mənim səfərimdən sonra orada dəhşət demaqogiya başladı. Barmaqla göstərmək istəmirəm, amma bəzi vətəndaşlar özlərini yaxşı aparmadı. Ad çəkmək istəmirəm, amma insanlar özlərini pis apardı".

Bu müsahibədən sonra Dmitri Roqozini Ermənistanda "arzuolunmaz şəxs" elan etmək hər kəs üçün məntiqli olardı".