Dünyaca məşhur ingilis astrofiziki Stiven Hokinq Çinin Tvitteri olaraq tanınan Veyboya (Weibo) qatılıb.

Axar.az xarici mətbuata istinadən xəbər verir ki, fizik, kainatın tədqiqatçı alimi, astronom, nəzəriyyəçi Stiven Hokinqin Veybo hesabını açdığı ilk 8 saatda 1,3 milyon izləyicisi olub.

Alimin ingilis və çincə yazdığı ilk paylaşımını 20 milyon istifadəçi oxuyub.

Həyatını kainatın sirrini açmağa həsr edən Hokinq, öz həyatı və tədqiqatları ilə bağlı paylaşımlar etdiyi zaman izləyicilərindən də nələrisə öyrənəcəyini qeyd edib.

Qeyd edək ki, Çinin ən böyük sosial media platformu olan Veyboya hər ay 230 milyondan çox istifadəçi qatılır.