Suriyanın müharibədən sonra bərpası üçün 150 milyard dollara ehtiyac olacaq.

Axar.az xəbər verir ki, bunu jurnalistlərə açıqlamasında Dünya Bankının rəhbəri Cim En Kim söyləyib. Onun sözlərinə görə, evlər, məktəblər, xəstəxanalar bərpa olunmadan suriyalı qaçqınlar geri dönməyəcəklər:

"Neftin qiymətinin aşağı olması Suriyanın bərpası imkanlarını çətinləşdirəcək. Belə ki, ənənəvi donorlar olan Yaxın Şərq ölkələrinin gəlirləri azalıb. Bizə neftin 100 dollar olduğu dövrlərdəki kimi yardımlar olunmayacaq".