Sabah Qətərdə neft bazarlarındakı vəziyyəti müzakirə edəcək 18 istehsalçı ölkə qiymətlərin ucuzlaşdığı 2014-cü ildən bəri ümumilikdə rezervlərindən 315 milyard dollar xərcləyiblər.

Axar.az "Blumberq"ə istinadən xəbər verir ki, 2015-ci ilin son rübündə bu ölkələrin ümumilikdə rezervləri 54 milyard dollar azalıb.

Bu, böhranın baş verməsindən bəri ən böyük geriləmədir. Neftin ucuzlaşması həmçinin beynəlxalq birjalara da təsirsiz ötüşməyib.

Neft istehsal edən ölkələrin rezervlərinin azalması sabah baş tutacaq görüşdə yekun razılıq şansını artırır. Görüş zamanı hasilatın dondurulması və ucuz qiymətlər müzakirə olunacaq.