Rusiyanın Stavropol diyarının hüquq mühafizə orqanları ilə iki naməlum şəxs arasında qarşıdurma yaşanıb.

Axar.az xəbər verir ki, polis diyarın Kursk rayonunda avtomobillərdən birini saxlayıb və baxış keçirmək istəyib. Bu zaman avtomobildə olan iki nəfər polisi atəşə tutub. Polisin cavab verməsi nəticəsində qarşıdurma böyüyüb və avtomobildə olan iki nəfər öldürülüb.

Hadisə zamanı hüquq mühafizə orqanları arasında ölən olmayıb.

Qeyd edək ki, bir müddət öncə üç kamikadze Stavropol vilayətindəki Daxili İşlər Nazirliyinin nümayəndəliyinin binasında özünü partladıb. Dördüncü kamikadzenin özünü partlatmasına imkan verilməyib.