Talibanın "Təhrik-e Taliban-e Pakistan" qruplaşmasının lideri Hakimulla Məsud öldürülüb.

"Röyter"in məlumatına görə, ABŞ pilotsuz təyyarəsinin hücumu zamanı qruplaşma lideri həyatını itirib.

Hücum zamanı daha 3 silahlının öldürüldüyü də ehtimal edilir.

H.Məsudun noyabrın 2-də Şimali Vəziristanda dəfn ediləcəyi gözlənilir.

Xatırladaq ki, terror qruplaşmasının liderinin öldürülməsi haqqında bir neçə dəfə məlumat yayılsa da, H.Məsud özü onları təkzib edib.

"İTAR-TASS" isə xəbər verir ki, Pakistan Taliban Hərəkatı liderlərinin ölümünü təsdiqləyib.