İranın paytaxtı Tehranda ölkənin Milli Ordu Günü münasibəti ilə silahlı qüvvələrin ənənəvi hərbi paradı keçirilib.

Axar.az xəbər verir ki, paradda Prezident Həsən Ruhani çıxış edib.

O, İrana təhlükə yaradan istənilən qüvvəyə qarşı mübarizə aparacaqlarını deyib:

"Silahlı qüvvələrimiz İrana zərbə vurmağa çalışan istənilən əli kəsəcək. İran ordusunun böyük "altılıq" ilə ölkəmizin nüvə probleminə dair müqaviləyə heç bir aidiyyəti yoxdur. Ordumuz bizi və ölkəmizi hər an təcavüzdən qorumağa hazırlaşır".

Prezidentin çıxışından sonra İran-İraq müharibəsi iştirakçıları, ordunun müxtəlif növləri paradda iştirak edib. Meydan üzərində isə İran Hərbi Hava Qüvvələrinin MİQ-29, F-5, F-4C "Qarabasma" qırıcılarından ibarət qrupu, hərbi-nəqliyyat təyyarəsinin zərbə endirici vertolyotları müxtəlif manevrlər ediblər.