İran Dövlət Televiziya və Radiosu paniranistlərin əlində cəmlənib və onlar məqsədli şəkildə Prezident Məsud Pezeşkianı da türk olduğu üçün təhqir edirlər.

Axar.az xəbər verir ki, bunu Təbriz Şəhər Şurasının üzvü Rəsul Bərgi Şuranın toplantısında deyib.

“İran Dövlət Televiziyası Azərbaycan türklərini sıxışdırır. Təyyarədə sərnişinləri Azərbaycan dilində salamlayanlar təhqir olunur”, - Bərgi açıq şəkildə öz etirazını bildirib.

Qeyd edək ki, Güney Azərbaycanın "Ata" aviaşirkətində təyyarə bələdçisinin sərnişinləri "xoş gəldiniz" ifadəsi ilə qarşılaması panfarsistlər tərəfindən süngü ilə qarşılanıb.