ABŞ Ər-Riyada Quantanamo bazasındakı 9 terrorçunu verib.

Axar.az xəbər verir ki, Səudiyyə Ərəbistanına verilən şəxslərin hamısı əslən Yəməndən olublar.

Qeyd edək ki, bir müddət öncə ABŞ hökuməti Quantanamo həbsxanasının bağlanması haqqında qərar qəbul edib. Məhz bu həbsxanada 11 Sentyabr terrorundan sonra dünyanın ən müxtəlif yerlərində həbs edilən müsəlman terrorçular yerləşdirilib. Onlara qarşı dəhşətli rəftar sonradan ABŞ və bütün dünyada həbsxananın bağlanması üçün etirazların başlanmasına səbəb olub.

Quantanamo həbsxanası eyni adlı bazanın tərkibində yerləşir. Kubada yerləşən baza 1903-cü ildən ABŞ ordusu tərəfindən istifadə edilir. Kuba hökuməti onun geriyə qaytarılmasını istəyir.