2016-04-19 12:37:00

Ekvadorda 7,8 bal gücündə baş verən zəlzələ zamanı ölənlərin sayı 413-ə çatıb.

Axar.az xəbər verir ki, aralarında İsveçrə və İspaniya da olmaqla xeyli xilasedici qruplar axtarışları davam etdirir.

Ölkədə elan olunan fövqəladə vəziyyət davam edir. Ümumilikdə 19 min əsgər və 3500 polis axtarış işlərinə cəlb edilib.

Xatırladaq ki, ABŞ-ın Geologiya Xidməti yeraltı təkanların aprelin 16-da, yerli vaxtla 23:58-də qeydə alındığını açıqlayıb. Zəlzələnin episentri Pedernales yaşayış məskənindən 14 kilometr şimal qərbdə qeydə alınıb.

2016-04-19 23:46:00

Ekvadorun Milli Müdafiə naziri Rikardo Patino Aroka ölənlərin sayının 443 olduğunu bildirib və daxili işlər nazirinin müavininin sözlərini təkzib edib. Onun sözlərinə görə, bu saata qədər xilasedicilər 443 meyit aşkarlayıblar.

Bundan az öncə Ekvador Daxili İşlər nazirinin müavini Dieqo Fuentes həlak olanların sayının 480-nə yüksəldiyini açıqlamışdı.