Rusiya Xarici İşlər naziri Sergey Lavrov Monqolustanın paytaxtı Ulan-Batora səfəri zamanı geyimi səs-küyə səbəb olub.

Axar.az xəbər verir ki, Lavrovun geyimi ev sahibini utandırıb. Belə ki, XİN rəhbərinin gəlişi məqsədilə hava limanında fəxri qarovul düzülüb, ancaq onun geyimi rəsmi qarşılanma mərasiminə uyğun olmayıb.

Lavrovun göy rəngli çins şalvarda görünməsi xeyli təəccüblə qarşılanıb.

Kardif Universitetinin professoru Sergey Radçenkonun sözlərinə görə, Lavrov Ulan-Batorun Çingizxan hava limanındakı qarşılanma mərasimində öz geyimi ilə monqolları təhqir edib.