Suriyada Əhrar əş-Şam qruplaşmasının üzvləri Çin istehsalı daşına bilən hava hücumundan müdafiə silahları ilə görüntülənib.

Axar.az xəbər verir ki, döyüşlərdə yeni istifadə olunan bu silahların Körfəz ölkələri tərəfindən Suriyaya göndərildiyi təxmin edilir.

Hava hücumundan müdafiə silahları Suriya ordusunun ən böyük gücü–döyüş təyyarələrinə qarşı istifadə olunur.

Qeyd edək ki, Əhrar əş-Şam qruplaşması İŞİD-ə qarşı döyüşür. Təşkilatın sıralarında təxminən 20 min döyüşçü var.

Xatırladaq ki, Səudiyyə Ərəbistanı bir müddət öncə Suriyada döyüşən qruplaşmalara hava hücumundan müdafiə silahı göndərəcəyini açıqlamışdı.