Kuba inqilabının lideri Fidel Kastro Kommunist Partiyasının 4 gün davam edən və qardaşı Raul Kastronun yenidən partiya lideri seçildiyi konqresdə çıxış edib.

Axar.az xəbər verir ki, 89 yaşlı inqilabçı yaxında öləcəyini, ancaq inqilab idealarının həmişə yaşayacağını deyib:

"Yaxın vaxtlarda 90 yaşımı qeyd edəcəm. Mən də hər kəs kimi öləcəyəm. Hamımızın zamanı gələcək. Bu mənim bu salondakı son çıxışım ola bilər. Latın Amerikasındakı bütün qardaşlarımıza və dünyaya Kuba xalqının qalib gələcəyini çatdırmalıyıq".

Bu arada 84 yaşlı Raul Kastro 7-ci konqresin inqilab lierlərinin iştirak etdiyi son konqres olacağını açıqlayıb. Ayrıca, partiyanın vəzifəli şəxslərinin 70 yaşında təqaüdə çıxmasını təklif edən Raul qərarın 5 ildən sonra icra olunacağını deyib.

Qeyd edək ki, Kubada dövlət idarəçiliyində bütün əsas vəzifələr yaşlı insanlar arasında bölüşdürülüb. Raul Kastronun köməkçisinin belə 85 yaşı var.