Belarus ordusu xarici aqressiya ilə yanaşı, daxildəki silahlı konfliktləri də neytrallaşdırmağa hazırdır.

Axar.az xəbər verir ki, bunu parlamentə müraciətində Belarus Prezidenti Aleksandr Lukaşenko söyləyib. Onun sözlərinə görə, Belarusun yaxın sərhədlərində baş verən hadisələr bizi müdafiə potensialımızı artırmağa vadar edir:

"Belarusda daxili konflikt yalnız xarici qüvvələrin dəstəyi ilə mümkündür. Ona görə də biz ordularımızı bu konfliktlərə qarşı mübarizə aparmaq üçün hazırlayırıq. Hibrid müharibəsi və rəngli inqilablar təhdidinə qarşı mübarizə aparmaq üçün Belarusda xüsusi əməliyyatlar qüvvəsi yaradılıb, ərazinin müdafiəsi sistemləri ən müasir sistemlər və silahlarla işlənib hazırlanıb. Biz bunu gizlətmirik".