İsveçrə hökuməti məndən Brundi Prezidenti Pyer Nkurunzizanı devirmək üçün kömək istəyib.

Axar.az xəbər verir ki, bu sözlər Yozef Blatterin hələlik ictimaiyyətə təqdim edilməyən kitabında yer alıb. Onun sözlərinə görə, İsveçrə ona ABŞ-la birgə müraciət edib. Blatter həmin dövrdə ölkəyə Lidiya Nsekeru (Brundinin birinci xanımı) vasitəsilə geniş təsir etmək imkanına sahib olub:

"2005-ci ildən prezident olan Nkurunziza 2015-ci ildə yenidən seçilmək ixtiyarına sahib deyildi. Ölkənin qanunları prezidentə yenidən seçilməyi qadağan etsə də, o, namizədliyini irəli sürdü və qələbə qazandı. Bu addım beynəlxalq aləmi narahat edirdi. Onlar Nkurunzizanın BMT-nin sülhməramlılarından imtina edərək, ölkədə hərbi konfliktləri davam etdirməsindən qorxurdular. Nəticədə İsveçrə və ABŞ mənə müraciət etdi. Onlar Nkurunzizanı FİFA rəhbərliyinə irəli sürülməsini istəyirdilər. Bununla da o, siyasi işlərdən uzaqlaşmalı idi. Lakin bu plan alınmadı".

Qeyd edək ki, Nkurunziza 2015-ci ildə üçüncü dəfə prezident seçildiyini bəyan etsə də, bu, kəskin etirazla qarşılanıb. Sonradan bir neçə generalın onu devirməyə çalışmasına baxmayaraq, çevriliş alınmayıb.