2024.11.04 - 22:26

İsrail hərbi təyyarələri Dəməşq hava limanına gedən yolda yerləşən Seyid Zeynəb bölgəsinin cənub-şərqinə hücum edib.

Axar.az xəbər verir ki, bu barədə Suriya Mülki Aviasiya İdarəsinin baş direktoru Basem Mansur məlumat verib.

“Dəməşq hava limanı təcavüzkarın raket hücumlarına məruz qalmayıb, paytaxtın hava limanı zədələnməyib və normal şəkildə fəaliyyətini davam etdirir”, - məlumatda qeyd olunub.

***

İsrailin Dəməşq ətrafında SEPAH və Hizbullahın yerləşdiyi tarlaya hava hücumu nəticəsində ölən və yaralananlar var.

Bu barədə Suriya İnsan Hüquqları Təşkilatı məlumat verib.

Bildirilib ki, ölü və yaralıların ümumi sayı 7-yə çatıb.