İran Hərbi Dəniz Qüvvələri regionda dəniz ticarətinin təhlükəsizliyini artırmaq üçün Ədən körfəzinə 100-cü flotiliyasını yerləşdirib.

Axar.az xəbər verir ki, bu barədə Növşəhrdəki İmam Xomeyni Hərbi Dəniz Universitetinin komandiri kontr-admiral Arya Şəfqət Rudsari məlumat verib.

O, sözügedən addımın bölgədə dəniz quldurlarının mövcudluğuna cavab olduğunu və həm ixrac, həm də idxal üçün dəniz yollarının təhlükəsizliyini təmin etmək məqsədi daşıdığını bildirib.

Onun sözlərinə görə, açıq dənizə çıxışı olan sahil ölkəsi kimi hakimiyyət bu sahədə mövcud imkanlardan istifadə etmək üçün tədbirlər görsə də, göstərilən səylər yetərli deyil və şəraitin yaxşılaşdırılması üçün daha çox addımlar atılmalıdır.