İsrail kəşfiyyatına yaxın olan "Debka" saytı Rusiya ilə ABŞ-ın bir məsələdə ortaq məxrəcə gəldiklərini iddia edib.

Axar.az xəbər verir ki, "Debka" saytı Barak Obama və Putinin Qolan təpələrinin İsraildən alınıb Suriyaya verilməsi üçün plan hazırladıqlarını açıqlayıb.

Sayt öz mənbəsinə istinadla bundan başqa hər iki liderin Suriya ilə bağlı hərbi addımlar atacaqlarını da bildirib.

Qeyd edək ki, İsrailin Baş naziri Benyamin Netanyahu ötən həftə keçirilən toplantıdan sonra Qolan təpələrinin həmişə İsraildə qalacağını deyib.