ABŞ və Avropa Birliyi Osmanlı İmperatorluğunun dövlət strukturundan nümunə götürüb.

Axar.az xəbər verir ki, bu sözləri bolqar tarixçisi Stoyan Dinkov jurnalistlərə açıqlamasında deyib.

O, Osmanlıda heç bir zaman milliyətçilik anlayışının olmadığını və dövlətin yüksək vəzifələrində müxtəlif millətlərdən olanların çalışdığını bildirib:

"Osmanlı imperiyası hər kəsin qanun qarşısında bərabər olmasını təmin edirdi. İnsanlar siyasi və iqtisadi sferada azad idilər. Osmanlı hazırki AB və ABŞ-ın bir forması idi".

Dinkov ermənilərin soyqırım iddialarına münasibət bildirib.

Tarixçi qeyd edib ki, əsl tarixi həqiqəti öyrənmək üçün Birinci Dünya Müharibəsində iştirak edən dövlətlərin arxivləri araşdırılmalıdır:

"Araşdırmama əsasən, rus generalın gündəliyində 1915-ci ildən baş verən olaylar fərqli şəkildə işıqlandırılıb. Orada ümumiyyətlə, bu hadisələrdə türklərin adı çəkilmir. Əvəzində isə rus, erməni və kürdlərin bu olaylarda aktiv iştirakı nəzərə çarpır".