2024-cü ilin yanvarından oktyabr ayına qədər Ukrayna qüvvələri Rusiyanın yanacaq-energetika obyektlərini sıradan çıxarmaq üçün 1,6 minə yaxın hücum həyata keçirib.

Axar.az xəbər verir ki, bu barədə TASS-a Rusiya xüsusi xidmət orqanlarındakı yüksək vəzifəli mənbə məlumat verib.

“2024-cü ilin yanvar-oktyabr aylarında Ukrayna ordusu Rusiyanın yanacaq-energetika kompleksinin obyektlərini məhv etmək və sıradan çıxarmaq məqsədi ilə 1588 hücum həyata keçirib. Ümumilikdə, xüsusi hərbi əməliyyat başlayandan bəri 3030 hücum olub. Ukraynanın PUA-lardan istifadə etməklə həyata keçirdiyi 344 hücum nəticəsində isə elektrik avadanlıqlarının, nəqliyyat infrastrukturunun və yanacaq-enerji kompleksinin sıradan çıxması və ya zədələnməsi halları qeydə alınıb”, - mənbə bildirib.