Rusiya Prezidenti Vladimir Putin inadkarlığı ilə Almaniyanın keçmiş kansleri Angela Merkeli heyran edib.

Axar.az xəbər verir ki, bu barədə “Die Zeit” nəşri Merkelin qələmə aldığı xatirələrinə istinadla məlumat verib.

“Məni ən çox heyrətləndirən onun özünü doğrultması idi”, - Merkel yazıb.

Merkel öz xatirələrində Putinin 2007-ci ildə Münhendəki çıxışına istinad edib və bildirib ki, ABŞ-ın İraqdakı hərəkətlərini tənqid etməsi də daxil olmaqla, dediyi bəzi şeylərin tamamilə yanlış olduğunu düşünmür:

“Münhendəki çıxışı zamanı Putin özünü mənim onu ​​tanıdığım, həmişə ayıq-sayıq olan adam kimi göstərdi".

Qeyd edək ki, 2007-ci ildə Vladimir Putin Münhen Təhlükəsizlik Konfransında mövcud dünya nizamını kəskin tənqid edən bəyanatla çıxış etmişdi. Bu, ilk növbədə, ABŞ-ın xarici siyasətinə, NATO-nun şərqə doğru genişlənməsinə və dünyanın birqütblülüyünə aid idi.

Angela Merkelin “Azadlıq. 1954-2021-ci il xatirələri” adlı kitabı noyabrın 26-da Berlində təqdim olunacaq.