Ukrayna Prezidenti Vladimir Zelenski general-mayor Mixail Drapatıyı Silahlı Qüvvələrin Quru Qoşunlarının yeni komandanı təyin edib.

Axar.az xəbər verir ki, Zelenski bu barədə fərman imzalayıb.

Zelenskinin digər fərmanı ilə Aleksandr Pavlyuk Quru Qoşunların komandanı vəzifəsindən azad edilib.

Polkovnik Oleq Apostol isə Ukrayna Silahlı Qüvvələrinin Ali Baş Komandanının müavini təyin edilib.

“General-mayor Mixail Drapatıy Xarkov istiqamətində müdafiəni uğurla təşkil edib və rus qoşunlarının hücum əməliyyatının qarşısını alıb Polkovnik Oleq Apostol 95-ci əlahiddə hava hücumu briqadasının təcrübəli komandiridir. Hər iki şəxs döyüşlərdə effektivliyini sübut edib”, - Zelenski bildirib.

Qeyd edək ki, Mixail Drapatıy 2014-cü ildə öz PDM-i ilə Maripola daxil olaraq, şəhərin separtçılardan təmizlənməsində böyük rol oynamışdı.