Hazırda Ukraynada təhlükəsizlik səbəbindən hava məkanını qismən açmaq da mümkün deyil. Buna görə də yüklərin və sərnişinlərin daşınması üçün alternativ marşrutların olması vacibdir.

Axar.az xəbər verir ki, bu sözləri Ukrayna Baş naziri Denis Şmıqal bildirib.

O qeyd edib ki, Rusiya hücumları nəticəsində ən azı 15 mülki aeroport və liman infrastrukturu zərər görüb:

“Son üç ayda limanlara təxminən 60 hücum təşkil olunub, nəticədə 300 obyekt və 22 mülki gəmi zədələnib, onlarla insan xəsarət alıb. Buna baxmayaraq, ordu Ukrayna dəniz dəhlizinin sabit işləməsini təmin edib. Bu günə qədər həmin dəhlizlə 2800-dən çox gəmi 75 milyon tondan çox, o cümlədən 50 milyon tondan artıq aqrar məhsul daşıyıb”.