21:23

Suriyada silahlı qüvvələr Hələb şəhərini və İdlib vilayətini ələ keçirəndən sonra Həma şəhərinə istiqamət alıb.

Axar.az xəbər verir ki, bu barədə “Anadolu” agentliyi məlumat yayıb.

Məlumata görə, silahlı qruplar Morik qəsəbəsini də tutublar.

Qeyd edək ki, bundan öncə "Təhrir əş-Şam"ın Hələbi ələ keçirdiyi bildirilmişdi.

***

Teleqram kanallarının yaydığı ən son məlumata görə, Suriyanın dördüncü ən böyük şəhəri olan Həma da silahlı birləşmələrin nəzarətinə keçib.

Suriya Müdafiə Nazirliyi isə hökumət qüvvələrinin Həma əyalətinin şimal və şərqindəki mövqelərində qalmağa davam etdiyini bildirib və əyalətdən çıxarılması barədə xəbərləri təkzib edib.