Türkiyənin xarici işlər naziri Hakan Fidan dekabrın 3-4-də Brüsseldə NATO-ya üzv ölkələrin xarici işlər nazirlərinin görüşündə Ukraynadakı münaqişəyə son qoymaq üçün diplomatiyadan istifadə etməyin zəruriliyindən danışacaq.

Axar.az xəbər verir ki, bu barədə “RİA Novosti”yə Ankaradakı diplomatik mənbə bildirib.

“Xarici işlər naziri Hakan Fidan 3-4 dekabr 2024-cü il tarixlərində Brüsseldə keçiriləcək NATO xarici işlər nazirlərinin toplantısında iştirak edəcək. İclas 2024-cü il oktyabrın 1-dən NATO-nun baş katibi vəzifəsinə başlayan Mark Rutte tərəfindən çağırılıb. Bu, Ruttenin iştirakı ilə təşkil olunan xarici işlər nazirlərinin ilk görüşüdür”, - mənbə qeyd edib.